Олон улсын сагсанбөмбөгийн холбоо /FIBA/-ноос 3х3 сагсан бөмбөгийн дэлхийн чансааг энэ сарын 20-ны өдөр шинэчлэн гаргажээ. Шинэчилсэн чансааг ОХУ-ын шигшээ баг тэргүүлж, Украин, Голландын багууд удаалсан байна. Харин сүүлийн жилүүдэд гаргасан амжилтаараа дэлхийд шуугиулаад байгаа Монголын шигшээ баг дэлхийн чансааны наймд бичигдсэн байна. Уг чансааны шилдэг 10 багт ОХУ, Украин, Голланд, Хятад, Андорра, Венесуэл, Франц, Монгол, Чех, Унгар улсын шигшээ багууд багтжээ.